السلام عليكم
شخباااااااااركم
________________
جراح ويوسف ربع من زمان وتعرفون المواقف والدقات اللي تصير بينهم
بس هالمره الموقف اللي سواه يوسف بجراح
موقف ضيع حيااااة جراح
خلونا انشوف احداث هالقصه ويا بعض
*******************************
جراح كان داخل الجات بنك ((ادور على حب))والحبيب داش جو مو طبيعي
وطايح له سوالف مع بنات خلق الله
اتصل عليه رفيجه يوسف ودار بينهم هالحوار
جراح :الوووووو
يوسف:الووو هلا والله جراحووو
جراح:هلا فيك حبيبي هاه ...خير آمرني
يوسف:شنو آمرني ...اتصرفني وياويهك..
جراح:لا والله بعد عمري انت بس آنا منهمك بالجات قزقز موطبيعي يوسف ونااااسه..
يوسف:ممممم خوش عيل شنو نكك؟؟
جراح :ليش بتدخل علي؟؟؟
يوسف:لا والله انا وين والجات وين خبرك عتيج مااقمت ادخله زهقت منه..
جراح:والله آنا نكي((ادور على حب))تعرف يمكن اتصيد لي رمانه من هالفواكه الموجودين بالجات..
يوسف:اي رمان واي فواكه ؟؟حبيبي هذول بنات مو خضره لووووووول
جراح:هههههههههههههههههااااااااااي
يوسف:اوكي حبيبي انا ماشي الحين بروح انام تامرني على شي..؟؟؟
جراح:لاقلبي سلامتك نومه العافيه ان شالله..
يوسف:الله يعافيك ..تصبح على خير..
جراح:وانت من اهل الخير...
يوسف:بااااااي
جراح:بااااااااااااياااات
طبعا يوسف مافيه نوم اصحى مني ومنكم بس اهو مجهز موقف ودقه محترمه حق رفيجه جراح
يوسف دخل الجات بنك ((ابي واحد يحبني))يعني منتحل شخصيه بنيه..
يقعد ينطر وينطر وياكل بطاطا وبيبسي..
لما دخل عليه نك ((ادور على حب)) لووووووووول
اللي اهو جراح
جراح المسكين مايدري عباله بنيه صج لووووووووووووول
ودار بينهم هالحوار
جراح :مساء الخير
يوسف:مساء النور ياهلا
جراح :وشلونج شخبارج؟؟
يوسف:الحمدالله زينه وانت شلونك؟؟
جراح:آنا بخير دامج بخير
يوسف:دوم ان شالله مو يوم
جراح:تسلمين ماتعرفنا عليج ياحلوة
يوسف:معاك شيماء وانت؟؟
جراح:عاشت الاسامي معاج جراح
يوسف:عاشت ايامك الله اسمك يهبل وااااااااااااايد استايل
جراح:تسلمين من ذوقج مادري وشلون بنام اليوم
يوسف:لا انا قلت اسمك يهبل مو انته..وبعدين اتنام مااتنام كيفك
جراح:اوووه لاجذيه اتكسرين فييني...انا زعلت خلاص
يوسف:آسفه
جراح:لاكله واحد..شيماء جم عمرج؟؟
يوسف:18وانت..
جراح:19
يوسف:العمركله ..الله انت اكبر مني ..
جراح:طبعا طبعا يالله روحي سويلي بيض طماط بسرعه..
يوسف:واي حدك واثق
جراح:طبعا واثق ..شيومه وشلون الجات معاج اليوم؟؟
يوسف:يعني..وبعدين تعال ليش تدلعني؟؟؟منو عطاك الحق
جراح:تنساني وتروح وحده وحده حتى استوعب كلامك والجروح
يوسف:واااااااااي ملاقه
جراح:شيومه شيومه
يوسف:هلا خير
جراح:لابس قاعد اجرب الكيبورد ...لوووووووووووووووول
يوسف:لووووووووووول ..اتصدق عاد انت اتهبل واتونس واااااااااااايد..شكلك ماتحب ولاجربت الحب
جراح:لاوالله ماصار نصيب بعدين ماكو وحده تستاهل أحبها
يوسف:اي والله صاج..بس فيه بنات وشحلاتهم يهبلون واخلاقهم حلوة
جراح:اي شيومه قلتلج للحين ماصار نصيب
يوسف:انت ماشالله عليك..روحك حلوة ..واتضحك..واتونس الله يخليك لاهلك..
جراح:صج؟
يوسف:اي والله صج انا بعد مااجامل احد
جراح:بعد عمري والله
يوسف:شنوو؟
جراح:اسف اطلعت عفويه من غير قصد
يوسف:لاعادي
جراح:انا مااشوفج تضحين وايد ليش؟؟
يوسف:اي والله صاج انا مااضحك حياتي تعاسه بتعاسه
جراح :افااا ليش؟؟
يوسف:انت لماقلتي بعد عمري وايد استانست ..بس انا ماحبيت ابين لكآنا محد يقولي هالكلام ..اهلي في البيت يعاملوني جني خدامه عندهم مو بنتهم
جراح:كل هذا فيج
يوسف:واكثر من جذيه
جراح:ودي اسمع منج وايد سوالفج ماتنمل..بس انا الحين لازم اروح..ممكن طلب؟
يوسف:تفضل
جراح:مايخالف اضيفج عندي بالايميل هذا اذا ماعندج مانع
يوسف:والله مادري وشقولك انا مااضيف شباب عندي
جراح:بس انا مو من هالشباب وان شالله ماتشوفين مني الا كل خير
يوسف:ادري وانت مبي عليك خوش صبي..وانا بضيفك وان شالله ماشوف منك قاصر
جراح:لا ان شالله مااتشوفين مني الا كل خير
يوسف:عطني ايميلك وانا اضيفك..
جراح :اوكى هذا ايميلي .....................متى بتضيفني؟
يوسف:ان شالله الحين
جراح:اوكى انا طالع الحين تامريني على شي
يوسف:سلامتك
جراح:اشوفج على خير مع السلامه
يوسف الله يسلمك
************************
قام يوسف مشى مع جراح المسكين
وجراح عاش بوهم
يوسف ماتاب صار كل يوم يسولف مع جراح على الماسنجر
وطبعا يوسف للحين منتحل شخصيه شيماء
وجراح المسكين عاش بوهم الحب والوله لشيماء
وطلب يشوف صورتها
والثعلب يوسف مضبط شغله
حط حق جراح صوره بنيه حاطه شيله على راسها وهالبنيه حلوه وايد
وجراح لما شاف الصوره طبعا لاليله ليل ولانهاره نهار
خلاص انفجر طبعا الحب سيطر عليه
وصار ينفذ اوامر شيماء اقصد يوسف
وهالدقه اللي مسويها يوسف في جراح تتوقعين جم استمرت؟؟
سنــــــــــــــــــــــــــــــــه كاملـــــــــــــــهويوسف للاسف مامل من هالعبه
سبحان الله
جراح يبجي وماينام الليل من كثر اللهفه والحنين اللي فيه
وينطر متى يصير باجر عشان يسولف ويا شيماء
اقصد الوهم
ويوسف الله يسامحه ميت من الضحك
**************************
يوسف صار يحلي اللعبه وصار مايشبك
وطبعا جراح صار ايحاتي ويدز ايميلات
ويوسف ميت من الضحك
وجراح صار واحد ثاني
مايطلع من بيتهم كله قاعد بداره
يتخيل صوره شيومه حبيبته
يتخيل سوالفها
ودلعها
وروحها الحلوة
ويبجي ويبجي
*****************
بعد شهرين شبك يوسف
جراح طار من الفرحه
قال حق شيوم ليش ماتشبكين؟؟وشرحلها شوقه وحنينه
وقاموا يسولفون
وجراح ماقدر يصبر
قال حق شيوم ابي رقمج ابي اكلمج بالتلفون
شيوم ارفضت تدرون ليش؟؟
لان صوتها خشن
لووووووووووووووووووووووول
اللي هو صوت يوسف هالتعبان اللي مايستحي
فقررت شيوم انها اتواعد جراح
ودار بينهم هالحوار
جراح :حياتي يعني الحين وشلون ماراح اسمع صوتج؟؟
يوسف:حبيبي لاتزعل روحك جذيه..انا عندي فكره
جراح:شنوو؟
يوسف:وشرايك اتشوفني وبجذيه ناخذ على بعض اكثر احسن من التلفون بالف مره
جراح:من صجج انتي؟؟
يوسف:اي والله من صجي..
جراح: الله وناااااااااااسه
يوسف:وانا شبي غير وناستك يابعد عمري
جراح:حياتي والله....انزين شيومتي اي مكان راح اشوفج فيه؟؟
يوسف:ممممم شوف الساعه 9 بالحديقه وشرايك..
جراح:صار بس شنو راح تلبسين؟
يوسف:مممممم راح اكون لابسه شيله ونقاب وعبايه
جراح:وي وي وي ليش كل هالعذاب؟
يوسف:حياتي عشان ماابي احد يشوفني
جراح:اوكى حياتي صار
جراح طبعا مايحتاي اوصفلكم شعوره
الاخ المسكين راح الصالون ماخلا شي الا وسواه بويهاا
سنفره وتنظيف بشره وحلق وضبط شكله وكشخ
وراح الساعه 5 للحديقه
ينطر الساعه اتصير 9 عشان يشوفها
مسكييين كل هذا حب؟؟
قاعد ينطر وينطر
والاخ الشيطون الثاني يوسف
راح لسوق يشتري له عبايه ونقاب وشيله
قرب الموعد
ولبس العبايه والنقاب والشيله
الاخ صايد الحركه
راح كحل عينه
ههههههههههههههههههاااااااااااااي
صارت الساعه 9 باليل
راح يوسف للحديقه وقعد بالكرسي
نزل جراح من السياره وغرق عمره عطر المسكين
ودخل الحديقه وقعد يدور وحده منقبه ولابسه عبايه
لقاها قاعد اخر شي
قرب صوبها
وبدت ساعه الصفر
طبعا يوسف مخالا عسل الا وشربه عشان ينعم صوته
هههههههههههههههههههههههههه
ومشت على جراح لعبه الصوت
لأنه منهمك بالحب ومرت عليه هالشغلات
ودار بينهم هالحوار
جراح:قوة
يوسف:قوتين هلا والله
جراح:انتي شيوم ؟
يوسف:اي انا شنو ماعرفتني ؟؟
جراح:لا اعرفج بس حبيت اتاكد
يوسف:والحين تاكدت
جراح :اي بعد عمري تاكدت الحين
يوسف:وااو هالحجي الحلو
جراح :سمعيني شيوم انا اموت فيج واحبج واااااااايد مستعد اذبح روحي عشانج
يوسف:اسمله عليك لاتقول جذيه..
جراح:حياتي عفيه بكلمج بالتلفون..
يوسف:انا ودي اكلمك بس مااقدر مااقدر
جراح:ليش؟؟
يوسف:تلفوني مافيه رصيد كلش
جراح:لاياعمري انا راح اتصل عليج ههههههههههههه
يوسف:حياتي انت ماتقدر تتصل علي لان خطي مصفر مافيه ولافلس راح يطلع للك(لايمكن الاتصال على المشترك حاليا)
جراح:اوكى اليوم روحي اشتري لج كرت وعبي
يوسف:من وينلي الفلوس.؟ابوي مايعطيني وامي بعد مادري ويشفيهم هالايام
جراح:ولايهمج حياتي دقايق بروح اشتريلج كرت وارد
يوسف:لا لا مابي اكلف عليك
جراح:لاعمري لاكلافه ولاشي وانتي مني وفيني
راح جراح يشتري كرت حق شيوم
طبعا الاخ الفاضل يوسف رفع النقاب
ويهه عرق
قام يستنشق الهواء
واهوميت من الضحك
شاف جراح ياي من بعيد غطي ويهه
وصل جراح
ودار بينهم هالحوار
جراح:هاج عمري هذا الكرت
يوسف:وي وي بعد عمري ماقصرت
جراح:افا عليج جم شيومه عندنااا
يوسف ماقدر يستحمل رفع النقاب
وشوووفوا وشصااااااااااااااااااااااااااااااار
جراح:يويوس يوسس يوسف
يوسف:كااااااااااااااااااااااااااااااااك يالخرووف
*************************
شنو تتوقعون موقف جراح
من بعد هالقصه الي عاشها والسنه اللي خذها بالحب والشوق والحنين
لشيماء الي اطلعت وهم
وهالحب الوهمي الي بناه وفكر انه يوصل لزواج
كان لعبه من رفيجه
جراح انصدم وظل واقف بمكانه ماتحرك
ريوله تهتز مو قادره تشيله لما طاح واغمى عليه
يوسف خاف على جراح وخذاه ووداه للمستشفى
وللاسف جراح ياله انهيار عصبي وصار مينون وبظل طول عمره بالمستشفى
ضاعت حياة جراح
ولو كانت شيماء حقيقه جان شفتوا حياة جراح
احلى حياه لان هالولد نيته شريفه وحب من قلبه
ويوسف كثر ماكان يضحك على جراح
صار يبجي يبجي ويبجي
وحلف انه مايسامح نفسه طول عمره
بس بعد شنوووووووو؟؟؟؟؟؟
![-||[ قمر فعال ]||-](https://i.servimg.com/u/f44/12/34/50/30/336.gif "-||[ قمر فعال ]||-")
الإثنين 02 يونيو 2008, 6:28 pm
